हे गजवदना

माझा मित्र प्रसाद शिरगांवकर (ज्याचा या संकेतस्थळाच्या उभारणीत मोलाचा वाटा आहे) याची ही एक प्रासादिक रचना. श्रवणासोबत गणरायाचं दर्शनही घ्यायचं असेल तर ही चित्रफीत पहा

हे गजवदना, हे गजवदना
शब्द - सुरांतून तुझी प्रार्थना

तू करुणेचा विशाल सागर
तू तेजाने भरले अंबर
तुच अग्नि, तू वायु, धरा अन
चराचरांतून तुझी चेतना

मूर्तरूप तू चैतन्याचे
धाम अकल्पित कैवल्याचे
श्वासांमधुनि, स्पंदांमधुनि
होत रहावी तुझी प्रार्थना

आनंदाचे गांव सदोदित
तुझ्या कृपेने हृदयी निर्मित
आनंदाच्या गावकर्‍यांची
श्री गणराया तुला वंदना

प्रसादच्या साधं सोपं डॉट कॉम या संकेतस्थळाला जरुर भेट द्या.