विवेक काजरेकर

मायबोली या संकेतस्थळाने २००८ मधे एक स्पर्धात्मक गझल कार्यशाळा आयोजित केली होती. त्यात प्रथम पारितोषिक विजेत्या गझलेला संगीतबध्द करुन मायबोलीच्याच २००८ च्या दिवाळी अंकात स्थान देण्यात येईल असं अगोदरच जाहीर करण्यात आलं होतं. या स्पर्धेत प्रसाद मोकाशीच्या गझलेला प्रथम पारितोषिक मिळालं आणि ती गझल संगीतबद्ध करण्याचं काम माझ्याकडे आलं. अत्यंत कमी वेळ हातात होता पण दिवाळी अंक प्रकाशित करण्याची तारीख आधीच जाहिर झाली असल्याने उपलब्ध असलेल्या मर्यादित वेळेत मला ही रचना पूर्ण करावी लागली.